O edificio orixinal foi deseñado polo arquitecto Antonio López Crespo en 1883, como encargo para o chalet residencia da familia Feijóo. Posteriormente foi reformado e ampliado en 1907 polo arquitecto Daniel Vázquez-Gulías Martínez, a instancias de Emilio García Rodríguez.
A reforma desta fermosa fachada de madeira do piso primeiro foi realizada cun especial respecto polo deseño orixinal, consistíu na extensión de ambos laterais da galeria da fachada, mantendo as decoracións empregadas e dándolle continuidade a visión orixinal ata os muros dos edificios colindantes, e mellorando o conxunto do edificio.
O edificio albergou nos seus baixos durante anos un negocio chamado “Establecimientos Álvarez”, nome polo que se coñecía o edificio, que estivo ao carón do Gran Hotel Roma, e tivo o mesmo destino, e na década dos anos 70 foi derrubado para construir edificios de vivendas.
Fontes: (AMOu; Museo Etnográfico Ribadavia; Arquivo Fotográfico Deputación Ourense; Detalle fotográfico Xornal ABC)