En 1896, Miguel Prada presenta solicitude para a reedificación dun edificio na rúa de San Miguel, na antiga praza de Isabel a Católica, facendo esquina coa rúa do Instituto, actual rúa do Paseo, adxuntando os planos correspondentes firmados polo arquitecto municipal de Vigo, Manel Felipe Quintana Ochaita.
No edificio instaláronse diversos negocios durante a súa existencia: os “Almacenes Barros”; na planta de arriba, estaba “La casa de la novia”, propiedade tamén da mesma empresa matriz, “Almacenes Simeón”, os “Almacenes Los Chicos”, a “Casa de Los Lentes”, un comercio de calzados, un negocio chamado “El Modelo”, e nos seus pisos superiores estaba “La Pensión Mercantíl” e a “Clínica Dental Irene Álvarez Veras”
A ubicación estratéxica deste fermoso edificio, nunha das rúas máis céntricas e concurridas da cidade de Ourense, fixo que fose unha vítima máis da especulación urbanística, e en 1967 foi derrubado para construir un edificio de negocios e vivendas.
Fontes: (AMOu, Museo Etnográfico de Ribadavia)