No ano 1574 a “Inquisición” instálase na cidade de Santiago de Compostela.
En 1727 trasládanse ás dependencias da “Casa Grande do Hórreo” ou “Casa de Calo”, situada extramuros fronte á “Porta da Mámoa”; no solar que hoxe ocupa o Hotel Compostela na Praza de Galicia, e en 1728 foi reformada para adaptala ás funcións da orde relixiosa.
A casa tiña planta cuadrangular e distribución en dúas plantas, fachadas de cantería de estilo clasicista, amplio patio interior, cabaleirizas, cárcere na pranta baixa, con calabozos, un “salón de Tormentos”, tribunais con salón de Audiencias, vivendas dos señores inquisidores e persoal de servizo, cociñas, almacéns, arquivos e administración, oratorios, salón do “Secreto”, secretaría dos “Secuestros”, rexistros e oficina do fiscal.
En 1913 procedeuse a súa demolición, e posteriormente, en 1927 construiuse no seu solar o actual Hotel Compostela, obra do arquitecto vigués Antonio Cominges.
A desaparición da Casa da Inquisición supuxo á perda dun dos edificios máis singulares da cidade de Compostela, polo gran interése tipolóxico, artístico e histórico, que concentraba.