O día 2 de xullo de 1927, Álvaro Bobillo y Bobillo, presenta instancia no rexistro do concello de Ourense manifestando non sendo posible construir unha edificación destinada a vivenda, tendo en conta que a casa do número 18 da rúa San Miguel, onde residía habitualmente, pertencía na súa maior parte aos seus irmáns e que estos, por dereitos de luces, non lle autorizaban para levar á práctica o mencionado proxecto.
Así, en vista das razóns expostas, o propietario do solar solicita construir unha “Fachada-Azotea” para dar servizo á casa que habitaba no número 18 da rúa San Miguel, e con fachada a rúa Paz Nóvoa, actual rúa do Paseo, modificando e elevando a que existía nese momento, a fin de poder adicar o baixo, a un establecemento de actividades industriais ou mercantís.
Deste xeito, o concello de Ourense autoriza a obra esixindo que a fachada cara a rúa Paz Nóvoa tivera polo menos 3,70 metros de altura, que as portas abriran cara dita rúa, na que se colocaran reixas de ferro plegables, a impermeabilización do interior do baixo, as instalacións sanitarias correspondentes, unha ventilación axeitada e que tivera como mínimo dúas superficies vidriadas para unha correta iluminación interior. A Fachada-Azotea de carácter “artístico” tería un total de 118,30 m2.