No contexto histórico das guerras nortalánticas iniciadas no reinado de Felipe II, e dada a proteción estratéxica que ofrecía a Ría de Ferrol, defendida na súa entrada por tres castelos, este foi un lugar óptimo para fondear os barcos de guerra da armada e instalar infraestructura militar, coma asteleiros, acuartelamentos de tropa e escolas militares, incluída a fábrica de “biscoitos” na vila de Neda, situada no fondo da ría, e que producía unhas bolachas de pan duro deshidratado e sen fermento, que permitía almacenamento de longa duración, óptimo para longas viaxes marítimas.
A fábrica era de planta cuadrangular e dúas alturas, cun patio pechado, un pozo hxagonal no centro, portas adinteladas de acceso aos 12 fornos distribuídos nos tres pabillóns posteriores. Dúas torres laterais na fachada principal de tres corpos, rematados con alongados capiteis piramidais e coroados con mástiles coa bandeira da cruz de Borgoña
(Fonte: “Arquitecturas Desvanecidas”, Memoria Gráfica del Patrimonio Desaparecido en Galicia, Adaba Editores, 2019. Archivo General de Simancas)