En 1918, o arquitecto Daniel Vázquez-Gulías Martínez boceta un edificio para mercado de abastos adaptado especialmente para o entorno da Praza de San Marcial, en pleno casco antigo da cidade de Ourense, e que se caracteriza pola súa pronunciada inclinación e gran diferencia de cotas.
O estilo ecléctico secesionista, con elementos da escola vienesa, domina todo o proxecto, usando reixerías, pérgolas modernistas, grandes vidreiras que permiten dispoñer de luz natural nos interiores, columnillas metálicas, elementos vexetais nos remates, tellado a dúas augas, arcos de medio punto e uso do granito do país para integrar o edificio no entorno histórico.
Fontes: (CIAG, AMOu, “El Arquitecto Daniel Vázquez-Gulías”, Editorial Edilesa, 1998)