No ano 1905, o empresario Francisco Villanueva Lombardero solicita reformar as casas nº 40- 42 da estrada Villacastín-Vigo, hoxe rúa Progreso, a vía máis importante da cidade de Ourense; reforma que levaría a cabo o arquitecto municipal, Antonio López Crespo, e cuxo proxecto incluía un plano detallado do edificio primixenio, construído a finais do século XIX.
A partir de 1905 inmoble estivo ocupado por una delegación da Embaixada da República Arxentina, pola Clínica Dentista de Atilano Cheriguain e a Ferretería Villanueva, entre outros.
En 1977 o edificio foi derrubado para construir un edificio de vivendas de 10 plantas.
A beleza intrínseca de edificacións históricas absolutamente integradas no seu entorno urbán, perfectamente adaptadas ás escalas humanas, foron sustituídas por edificios de alturas desproporcionadas que a partir dos anos 50-60 do século XX deformaron irremediablemente as vías principais das cidades galegas, transformándoas en entornos feistas, dominados polo tránsito de vehículos e visualmente agresivas co transeunte.
Fontes : (AMOu; Museo Etnográfico Ribadavia; Biblioteca Pública Márcos Valcárcel; Xornal “La Region” Sección Historia en Cuatro Tiempos; Foto Pacheco)