A Casa-Pazo da Capitanía Xeral de Ferrol é un edificio militar ainda existente na actualidade e que orixinalmente foi proxectado en 1751 como parte do deseño do “Arsenal Militar” de Ferrol na época de Carlos III.
En 1926, o arquitecto Francisco de la Rocha quixo conferirlle ás fachadas norte e oeste, maior esbeltez, e un novo aspecto máis ordeado, clásico, cunha sobreelevación do andar superior primitivo e a fachada cara a rúa Real recibíu un basamento horizontal decorado con “fasciae” sobre o que se montan os dous corpos superpostos, engadíndose pináculos de bolas, un ático semellante ao do resto o edificio, e mantendo a buhardilla do vixía.
Na década de 1950 recibíu as derradeiras e máis drásticas transformacións, sobre a fachada principal sur, configuración estructural coa que chegou ata os nosos días.
En consecuencia, tras tantas transformacións sufridas pouco queda o edificio orixinal, máis coma se fose un ser vivo que nace, medra e envellece, este edificio pode encadrarse na “arquitectura desvirtuada” xustificada pola necesidade de adaptación histórica aos cambios funcionais de carácter militar, nada que ver cos edificios patrimoniais históricos da arquitectura civil, que habitualmente foron vítimas de mutilacións e reformas desproporcionadas por motivos meramente económicos especulativos.
Fontes: (SÁNCHEZ GARCÍA, Jesús Ángel, Julio VÁZQUEZ CASTRO, Alfredo VIGO TRASANCOS (eds.) e Juan David DÍAZ LÓPEZ (coord.) (2023). Arquitecturas añoradas. Memoria gráfica del patrimonio destruido en Galicia en el siglo XX. Gijón: Ediciones Trea.)