Na actual Praza de Ferrol da cidade de Lugo estivo ata o ano 1976 este monumental edificio, sede central de La Eléctrica Lucense, construído en 1903. Absorbida a empresa en 1935, décadas máis tarde o inmoble foi adquirido pola Caja de Ahorros Provincial de Lugo, que decidiu a súa demolición.
Edificio foi deseñado polo arquitecto Juan Álvarez de Mendoxa, cun estilo peculiar entre o eclecticismo “beaux arts” e o barroco, pasando polo neoclasicismo castrense e incluso con evocacións antigas e medievais. A presencia frontal de axardinamento, reafirma o efecto campestre do conxunto, denota unha arquitectura trufada de suxerencias paisaxísticas, exóticas, e tecnolóxicas a un tempo, donde se achegan o retórico e o funcional, o romántico e o moderno.
Fontes: (SÁNCHEZ GARCÍA, Jesús Ángel, Julio VÁZQUEZ CASTRO, Alfredo VIGO TRASANCOS (eds.) e Juan David DÍAZ LÓPEZ (coord.) (2023). Arquitecturas añoradas. Memoria gráfica del patrimonio destruido en Galicia en el siglo XX. Gijón: Ediciones Trea.)