A chegada do ferrocarril á cidade de Vigo foi moi lenta. En 1855 aprobouse a “Ley General de Ferrocarriles”, en 1857 presentábase un proxecto de conexión por Zamora. En 1860 fanse estudos da conexión entre Vigo e Ourense.
As vias e travesas da estación foron colocadas en 1875 e a estación quedou rematada definitivamente en 1878, sendo inmortalizado o acontecemento histórico, cun gravado publicado na revista “La Ilustración Gallega e asturiana”.
Aínda que as obras da estación concluían en 1878, a liña Vigo-Ourense non se finalizaría até 1881. Logo dalgúns engadidos como a grande maquesiña de ferro, a estación sería ampliada en 1923.
Fonte: (Arquivo Municipal de Vigo – Libro “Arquitecturas Añoradas, Memoria Gráfica del Patrimonio Destruido en Galicia en el S.XX”, Editorial Piedras Angulares – Libro “Vigo: arquitectura urbana”, Garrido Rodríguez, Xaime e Xosé Ramón Iglesias Veiga, Fundación Caixa Galicia – Libro ” Vigo, la ciudad que se perdió“, Garrido Rodríguez, Xaime, 1991, Deputación de Pontevedra)