O coñecido como Pazo dos condes de Andrade de Pontedeume foi promovido a partir do ano 1371 por Fernán Pérez de Andrade “o Boo” como fortaleza e sinal do seu señorío sobre a vila de Pontevedra. Agás o torreón, poucos restos quedaron do primitivo pazo fortificado, que ademais sufriu o ataque dos Irmandiños a finais do século XV.
D. Fernando de Andrade, o primeiro conde de Andrade, acometeu a partir dos anos trinta do século XVI unha completa reforma e ampliación da parte residencial do vello pazo medieval para facelo máis cómodo. Conservando unha ringleira de arcos apuntados no claustro interior, o pazo foi ampliado cun novo andar e dotado de salóns con rica decoración.
Ao exterior a fachada presentaba unha longa balconada de pedra mirando á vila de Pontedeume. Unha capela adicada a San Miguel, un curral con edificacións para casas de labregos e almacéns e ampla horta con xardín completaron o remozado pazo
Fontes: (SÁNCHEZ GARCÍA, Jesús Ángel, Julio VÁZQUEZ CASTRO, Alfredo VIGO TRASANCOS (eds.) e Juan David DÍAZ LÓPEZ (coord.) (2023). Arquitecturas añoradas. Memoria gráfica del patrimonio destruido en Galicia en el siglo XX. Gijón: Ediciones Trea.)