En 1925 o arquitecto Manuel Conde Fidalgo deseña un Pavillón de Exposición de vehículos a motor para a rúa Progreso de Ourense, por encargo do propietario Manuel Sás Sequeiros, de marcado estilo modernista Art Decó e que xamais chegaría a construirse.
O 6 de maio, o arquitecto municipal, Don Adolfo de la Vega, autoriza a construcción do proxecto presentado polo interesado, manifestando literalmente: ” a fachada principal na súa ornamentación severa e sensata, acusa un gusto arquitectónico digno de reflexarse en todas as construccións, como base principal para o ornato que debe existir sempre nunha poboación culta para o debido embelecemento desta.”
A fachada principal tiña 171,2 metros cadrados. Obviamente este primeiro proxecto non chegou a realizarse segundo os termos especificados nos planos orixinais, e así, 1926, o mesmo arquitecto presentou novo proxecto alternativo que finalmente acabou construíndose e que coñecería como “Edificio Sás”.
Fontes: (AMOu)