O 28 de novembro de 1878, Juan Manuel Paz Novoa presenta instancia no concello de Ourense solicitando licenza municipal para construir unha casa sobre o solar da súa propiedade na estrada Villacastín-Vigo, hoxe rúa Progreso.
Acompaña a instancia un plano detalladado da fachada do edificio que pretenden construir, deseñado integramente polo profesor de arquitectura Alejandro Sesmero, medindo a fachada 132,93 m2, sendo o vó dos balcons de 50cm, e a cornixa de 60 cm.
O estilo arquitectónico encádrase no “Eclecticismo Clasicista“, tendo en conta o contexto urbán no que o arquitecto desenvolve a súa actividade profesional, no período entre 1880 e 1910, a burguesía segue demandando edificacións de suntuosa linguaxe ecléctica, que serán coñecidas polo nome do seu propietario, levando moitas delas as iniciais dos propietario inscritas nos elementos graníticos que coroaban as fachadas, como símbolo de prestixio persoal.
A arquitectura deste período en Galicia caracterizase por unha gran preocupación pola presentación e tratamento das fachadas, en detrimento dunha menor preocupación pola distribución interior das plantas que podían presentar problemas de ventilación e hixiene. Darase un trato preferente ás fachadas se que sitúan nas rúas principais aumentando nas mesmas a ornamentación. A variedade de linguaxes serán fonte de inspiración, que se move con libertade entre o historicismo e o eclecticismo clasicista.
Fontes: (AHPOu; AMOu; Museo Etnolóxico de Ribadavia)